Helo! Rwy'n cefnogi artistiaid - mae'n swnio'n hynod o syml ond dyna ni mewn gwirionedd! Rwy'n cynhyrchu ac yn rheoli'r holl weithgareddau amrywiol sy'n canolbwyntio ar ddatblygu artistiaid ledled Cymru. Mae hyn yn amrywio o gynlluniau lleoli ar gyfer artistiaid sy’n dod i’r amlwg, egin gomisiynau ar gyfer prosiectau newydd, digwyddiadau rhwydweithio i annog cydweithrediadau newydd, ac yn hollbwysig, cyfarfod ag artistiaid i glywed beth rydych am i ni ei wneud.

Rwyf am wneud yn siŵr bod y celfyddydau yn eu cyfanrwydd yn fwy teg a hygyrch. Rwy’n credu’n gryf mewn ymrwymo i ddatblygiad hirdymor artistiaid ac agor cymaint o ddrysau â phosibl i dalent ar ddechrau eu gyrfa a thalent sy'n dod i'r amlwg. Rwy'n mwynhau defnyddio fy set sgiliau fy hun er mwyn grymuso a llwyfannu artistiaid eraill.

Gallaf helpu i’ch cysylltu ag artistiaid eraill, pobl greadigol, cynhyrchwyr, rhaglenwyr ac ati. - unrhyw un yr hoffech ei gyfarfod. Rwy'n fwy na hapus i fod yn giwpid artistig! Gallaf hefyd roi cyngor ar brosiectau penodol; boed hynny yn eich camau nesaf efallai, adborth ar sgript/perfformiad, neu dim ond sgwrs gyffredinol. Gallwch hefyd gysylltu â mi os oes gennych syniadau ar gyfer sut y gall NTW wasanaethu artistiaid yn well yn eu datblygiad.

Rwy'n ymwneud â sicrhau bod y diwydiant yn lle tecach i fodoli, hyrwyddo llwybrau cynaliadwy ar gyfer datblygu artistiaid, cael hwyl a chysylltu ag eraill.