Rwy'n weithiwr creadigol digidol, wedi fy lleoli yng Nghaerdydd, ac ar hyn o bryd yn gweithio gydag Opera Cenedlaethol Cymru. Rwyf wedi gweithio ym maes cynhyrchu digidol a chyfathrebu o fewn y celfyddydau ers symud i Gymru yn 2022, gan gynhyrchu a chomisiynu cynnwys, gan gynnwys cynyrchiadau theatrig Cymreig newydd, gwyliau cerddoriaeth a phrosiectau ieuenctid a chymunedol.

Cyn dychwelyd i Gymru, ar ôl astudio ym Mhrifysgol Aberystwyth llawer o flynyddoedd yn ôl, gweithiais ym maes cynhyrchu teledu yn Llundain, yn bennaf o fewn newyddion darlledu ac yna ar-lein, gyda chyfryngau cymdeithasol a chynhyrchu digidol o fewn ITN News. Rwy'n gynnyrch theatr gymunedol a grwpiau theatr ar ôl ysgol, ac mae'r sylfaen honno o gelf i bawb wedi fy arwain at fy mywyd a'm gyrfa heddiw, a nawr TEAM.

Fel dyn cwiar, rwy'n dwlu bod yn rhan o gymuned, ail deulu sy'n croesawu, yn cefnogi ac yn ymladd dros bawb. Rwyf hefyd yn ymgyrchydd dros ymwybyddiaeth iechyd meddwl, yn enwedig iechyd meddwl dynion, gan weithio i gael gwared ar y stigma a'r boen sy'n aml yn dod gydag ef. Rwyf am helpu i ehangu yr hyn all celf a chymuned ei olygu yng Nghymru. Fedra i ddim aros i brofi'r lleisiau sydd heb eu clywed eto a'r llawenydd yng nghwmni pobl greadigol wych.