Helo 'na

Helo, Rachel ydw i. Fel Cynhyrchydd Cydweithio rwy'n gweithio ar draws yr adran Cynhyrchu, Cynyrchiadau a Chydweithio (TEAM) i sicrhau bod cyfranogiad cymunedol a chyd-greu wedi’u gwreiddio yn holl brosiectau a chynyrchiadau National Theatre Wales. Rwy'n gweithio ar draws nifer o ddigwyddiadau, gweithgareddau a sioeau, ac yn ac arwain ar ystod o fentrau gyda'r nod o gryfhau perthynas NTW â chymunedau ar draws Caerdydd, gan gynnwys dod o hyd i lwybrau i'r Cwmni trwy TEAM.

Rwy’n ffodus i allu cyfarfod, gweithio a chysylltu â chynifer o unigolion anhygoel, boed yn artistiaid, gwneuthurwyr theatr, aelodau’r gymuned, plant a phobl ifanc - mae pob un ohonynt yn fy nysgu i feddwl yn wahanol, a gweld y byd o ystod o wahanol safbwyntiau.

Mae arnom eich angen chi. Mae arnom angen eich syniadau, eich barn, a'ch arweiniad. Hebddoch chi, bobl Cymru, nid yw NTW yn bodoli. Felly mae croeso i chi gysylltu â mi i sgwrsio a rhannu eich barn. Gyda'n gilydd gallwn greu rhywbeth hudolus.